Eiras de Ares ocupa unha superficie dunhas 7,5 hectáreas nas que se cultivan de maneira ecolóxica e rexenerativa todo tipo de hortalizas tradicionais da horta galega e nun futuro incorporarase un pequeno viñedo de uva autóctona “branca lexítima”.
Transformamos unha zona chea de eucaliptos nun «bosque comestible» con nogueiras, castiñeiros, carballos e outras frondosas autóctonas. E contamos cunha gran diversidade de árbores frutais de especies tamén galegas.
O noso propósito é integrar o coñecemento da agricultura rexenerativa e do multicultivo e recuperar o patrimonio inmaterial dos tipos de plantacións e labores desenvolvidas tradicionalmente.
Os animais son os nosos cómplices para rexenerar a contorna e aumentar a biodiversidade.
As galiñas de Mos e de raza Piñeira e as cabras e ovellas galegas, que actúan como “desbrozadoras”, son as protagonistas da nosa pequena granxa. Dela obtemos ovos e abono para manter nutrida a nosa horta.
Nunha soa contorna pódense coñecer algunhas das principais razas autóctonas galegas.
Eiras de Ares é o seu balneario e as abellas veñen aquí a recuperarse do ataque das temidas velutinas.
Ademais, contamos cunha actividade de apicultura profesional e colaborativa, temos a sorte de poder gozar da arte de producir mel. O traballo colaborativo dos enxames inspíranos e contamos con profesionais da apicultura que se encargan da extracción e o filtrado da mel.
